The Singers' Companion/Marry for Love and Work for Siller

MARRY FOR LOVE AND WORK
FOR SILLER,

When I and my Jenny theglther were tied.
We had but sma’ share o’ the world between us;
Yet lo’ed ither weel, and had youth on our side,
And strength and guid health were abundantly gi’en us;
I warsled and toiled throng the fair and the foul,
And she was right carefu’ o’ what I brought till her,
For aye we had mind o’ the canny auld rule,
Just “marry for love, and work for siller.”

Our bairns they cam’ thick——we were thankfu' for that,
For the bit and the brattie cam’ aye alang wi’ them;

Our pan we exchanged for a guid mucle pat,
And somehow or ither, we aye had to gi’e them
Our laddies grew up, and they wrought wi mysel,’
IIK ane gat as buirdly and stout as a miller,
Our lasses they keepet us trig aye, and hale,
And now we count a bit trifle o’ siller.

But I and my Jenny are baith wearin’ down,
And our lads and our lassies hae a’ gotten married;
Yet sae, we can rank wi’ the best i’ the town
Though our noddles we never too paughtily carried.
And mark me—I’ve now got a braw cockit hat,
And in our civic building am reckon’d a pillar;
Is na that a bit honour for ane to get at,
Wha married for love, and wha wrought for siller?