The Song Book No. 4/Auld Langsyne

by Robert Burns (1759-1796)

For other versions of this work, see Auld Lang Syne (Burns).

AULD LANGSYNE.

Should auld acquaintance be forgot,
an' never brought to mind;
Should auld acquaintance be forgot,
An' days o' langsyne.

For auld langsyne, my dear,
For auld langsyne;
We'll tak' a cup o' kindness yet
For auld langsyne.

We twa hae run about the braes.
an' pu'd the gowans fine;
But we've wander'd mony a weary fit,
sin' auld langsyne.
for auld langsyne, &c.

We twa hae paidelt in the burn,
when summer days were prime;
But seas between us braid hae roar'd,
sin' auld langsyne,
for auld langsyne, &c.

And there's a hand, my trusty friend,
and gie's a hand o' thine,
An' we'll toom the cup to friendship's growth,
for auld langsyne,
for auld langsyne, &c,

An' surely ye'll be your pint-stoup,
as sure as I'll be mine;
And we'll tak' a right gude willie-waugh.
for auld langsyne.
For auld langsyne, my dear,
for auld langsyne;
We'll take a cup o' kindness yet
for auld langsyne,

 

FINIS