The fables of Aesop by William Caxton (Jacobs)/Vol. II/Auian/Fable 25
¶ The xxv fable is of the ape and of his two children
E that somtyme men despreysen /
may wel helpe somme other / as
hit appereth by this Fable of an
Ape / whiche had two children /
of the whiche he hated the one /
& loued the other / whiche he toke in his armes /
and with hym fled before the dogges / And
whanne the other sawe / that his moder lefte
hym behynde / he ranne and lepte on her back /
And by cause that the lytyl ape whiche the she
ape held in her armes empeched her to flee /
she lete hit falle to the erthe / And the other
whiche the moder hated held fast and was
saued / the whiche from thens forthon kyssed
and embraced his moder / And[errata 1] she thenne
beganne to loue hym wherfore many tymes
it happeth / that that thynge whiche is despreysed
/ is better than that thynge whiche is
loued and preysed / For somtyme the children
whiche ben preysed and loued / done lesse[errata 2] good
than they whiche ben despreysed and hated