The fables of Aesop by William Caxton (Jacobs)/Vol. II/Liber Primus/Fable 2
¶ This second fable is of the wulf and the lambe /
![](http://upload.wikimedia.org/wikipedia/commons/thumb/c/ce/Caxton_Aesop-019.jpg/350px-Caxton_Aesop-019.jpg)
f the Innocent and of the shrewe
Esope reherceth to vs suche a
fable / howe it was so / that the
lambe and the wulf had bothe
thurst / and went both to a Ryuer
for to drynke /¶ It happed that the wulf dranke
aboue & the lambe dranke bynethe / And as the
wulf sawe & percyued the lambe / he sayd with
a hyghe voys / Ha knaue why hast thou troubled and fowled my water / whiche I sold now drynke /
Allas my lord sauf your grece / For the water
cometh fro yow toward me / Thenne sayd the
wulf to the lambe / Hast thou no shame ne drede
to curse me / And the lambe sayd My lord with
your leue / And the wulf sayd ageyne / Hit is
not syxe monethes passyd that thy fader dyd to
me as moche / And the lambe ansuerd yet was
I not at that tyme born / And the wulf said
ageyne to hym / Thou hast ete my fader / And
the lambe ansuerd / I have no teeth[errata 1] / Thenne
said the wulf / thou arte wel lyke thy fader /
and for his syne and mysdede thow shalt deye /
The wulf thenne toke the lambe and ete hym /
This fable sheweth that the euylle man retcheth
not by what maner he may robbe and destroye
the good and Innocent man.