Three Excellent Popular New Songs/Tibbie wi' her Fifty Mark
For other versions of this work, see Tibbie wi' her Fifty Mark.
Tibbie wi her Fifty Mark.
O Tibbie I ha'e seen the day,⟨ye⟩ wadna been sae shy; For laik o' gear ye lightly me,but yet I carena by.
Yestreen I met you on the moor,Ye spakena but gaed by like stour,Ye geek at me because I'm poor,But ne'er a hair care I.
I doubtna lass but ye may think,Beause ye ha'e the name o'clink,That ye can please me wi' a wink,Whene'er ye like to try.
He's silly that would be sae mean,Altho' his pouch o' coin were clean,Wha follows ony saucy quean,That looks sae proud and high.O Tibbie, &c.
Altho' a lad were e'er sae smart,If he want gowd that yellow dirt,Ye'll cast your head anither airt,And answer him fu' dry.
But if he hae the name o' gear,Ye'll fasten to him like a brier,Tho hardly he for sense and lear, Be better than the ky.O Tibbie. &c.
O Tibbie ye're o'er fu' o' spice,Your daddie's gear makes you o'er nice.But ne'er a ane wad spier your priceWere, ye as poor as I.
There lives a lass in yonder park,I wadna gie her in her sark,For you and a' your fifty mark,That gars ye look sae shy.O Tibbie. &c.