Three excellent new sons (sic)/The answer

ANDREW’S REPLY.

Sweet Lass, I approve o’ your plan,
I think that you‘er wife for to kint
An’ buckle yoursel’ to a man,
For kissing it’s now you are fit,
What tho’ you’ve silks for to dress you,
An’ plenty o’ baith roast an’ raw,
Yet you want a bit man for to kiss you,
An’ keep your cauld back frae the wa,
We’ll kiss, an’ cuddle, an’ a’,
Cuddle, an’ kiss, an' a’,
An ance we were buckl’d the gither
Our joys they sha’ nae be sma’l.

To hear how that ithers get marri’d,
An’ ye sit an’ rive at your tow,
I’m sure it’s of life you are weari’d,
Wish wheel an’ it a’ in a low!
The pain ye endure thro’ the night,
It makes you to tumble an’ gaunt,
But young Andrew is blyth an’ able,
An’ weel can supply your bit want,
We’ll kiss, &c;

At e’en when ye come wi’ your stocking,
You thought I was wond’rous slack,
Tho’ aften ay jeering an’ jocking,
An’ whiles your bit mou’ I did smack
As on the green grass we die tumble,
O how thy bit hears it did pant,
Thou ne’er gie’d a peep nor a grum’le,
While I did supply your bit want.
We’ll kiss, &c,

At e’en when I rise to gang hame,
Were ye to give me a convoy,
As sure as young Andrew’s my name,
In love we’ll each other enjoy,
Then Lassie I'll ay be thy ain,
Of me you may loftily vaunt;
I’ll ease thee o’ thy grief an’ pain,
An’ always supply thy bit want.!
We’ll kiss, &c:

Wi’ joy it’s she bang’d out her han‘,
Your offer, dearl ove, I accept;
I vow that young Andrew’s the man,
I always will daut like a pet.
Then joys of joys I’ll taste,
For which I’ve gien mony a gaunt;
By young Andrew it’s how I’m embrac’d
An' weel he supplies my bit want.
We’ll kiss &c.

FINIS.