Two popular songs/Highland widow's lament

Highland Widow's Lament.

Oh! I ain come to the low countrie!
Ochon ochon ochrie!
Without ae penny in my purse,
To buy a meal to me.
It wasna sae in the highland hills,
Ochon ochon ochrie,
Nae woman in the country wide,
Sae happy was as me.

For then I had a score of kye,
Ochon ochon ochrie,
Feeding on yon hill sae high,
And giving milk to me.
And there I had three score o' yowes,
Ochon ochon ochrie!
Skipping on yon bonny knowes,
And casting woo' to me.

I was the happiest of a' the clan,
Sair sair may I repine,
For Donald was the bravest man,
And donald he was mine.
Till Charlie, he came o'er at last,
Sae far to set us free,
My Donald's arm it wanted was,
For Scotland and for me,

Their waefu fate what need I tell,
Right to the wrang did yeild,
My Donald and his country fell,
Upon Culloden field,
I hae nocht left me ava,
Ochon ochon ochrie,
But bonny orphan lad-weans twa,
To seek their bread wi' me.

I hae yet a tocher-hand,
Ochon ochon ochrie,
My winsome Donald's dirk and brand,
Into their hands to gie.
There's only ae blink o hope left,
To lighten my auld e'e,
To see my bairns gie bluidy crowns,
To them gart Donald die.
Ochon ochon! oh Donald oh!
Ochon ochon ochrie.
Nae woman in the warld wide,
Sae wretched now as me.