User:Rho9998/Ic seah wyhte wrætlice twa

<112r>

Ic seah ƿyhte tƿa undearnunga ute plegan hæmed laces speoƿ fæmne fyllo iconflette mæg þurh runstafas rincum secgan þā þe bec ƿitan bega æt somne nama þara ƿihta þær sceal nyd ƿesan tƿe ga · oþer ⁊se torhta æsc an anlinan acas twegen hægelas swa some hƿylc ƿæs hord gates cægan cræf te þa clamme onleac þeþa rædellan ƿið ryne menn hyge fæste heold heortan beƿrigene orþonc bendum nu is undẏrne ƿerum æt ƿine huþa ƿihte mid us hean mode tƿa hatne sindon. Ic ƿat indryhtne æþelum deorne giest ingeardum · þam se grimma ne mæg hungor sceððan nese hatn þurft ẏldo ne adle gifhim arlice esne þenað seþe agan sceal onþam sið fate hyge sunde æt ham findað ƿitode him ƿiste ⁊ blisse cnosles unrim care · gif se esne his hlaforde.

<112v>

hyreð ẏfle freon onfore neƿile forht ƿesan broþor oþrum him þæt bam sceðeð þōn hy from bearme begen hƿeorfað · anre magan ellor fuse moddor ⁊ sƿeostor mon seþe ƿille cyþe cyne ƿordum huse cuma hatte eð þa se esne þe ic her ẏmb sprice :⁊