User:Rho9998/The Wanderer

OFT him anhaga are gebideð metudes miltse þeah þe
he mod cearig geond lagu lade longe sceolde hreran
mid hondum hrim cealde sæ wadan ƿræc lastas ƿyrd
bið ful ared · Sƿa cƿæð eard stapa earfeþa gemyndig
ƿraþra ƿæl sleahta wine mæga hryre · Oft ic sceolde
ana uhtna gehƿlce mine ceare cƿiþan nis nu cƿic
ra nán þe ic him mod sefan minne durre sƿeotule
asecgan ic to soþe wat ꝥ biþ ineorle indryhten þeaƿ
þæt he his ferð locan fæste binde healdne his hord
cofan hycge sƿahe ƿille · ne mæg ƿerig mod ƿyrde ƿið
stondan nese hreo hyge helpe gefremman · forðon dom
georne dreorigne oft inhyra breost cofan bindað
fæste. sƿa ic mod sefan minne sceolde · oft earm cearig
eðle bidæled freo magū feor feterum sælan siþþan
geara iu gold ƿine mine hrusan heolstre biƿrah ⁊
ic hean þonan ƿod ƿinter cearig ofer ƿaþena ge bind ·
sohte sele dreorig sinces bryttan hƿær ic feor oþþe
neah findan meahte þone þe inmeodu healle mine
ƿisse oþþe mec freond lease frefran ƿolde ƿeman mid
ƿynnum ƿat se þe cunnað husliþen bið sorg togefe
ran þamþe him lyt hafað leofra geholena ƿarað hi
ne ƿræc last nales ƿunden gold ferð loca freorig

<77r>

nalæs foldan blæd · gemon he sele secgas ⁊sinc þege hu hine
ongeoguðe his gold ƿine ƿenede toƿiste ƿyn eal gedreas.
forþon ƿat seþe sceal his ƿine dryhtnes leofes lar cƿ
idum longe forþolian · ðōn sorg ⁊slæp somod ætgæ
dre earmne anhogan oft gebindað · þinceð him on
mode þæt he his mon dryhten clyppe ⁊cysse ⁊on cneo
lecge honda ⁊ heafod sƿa he hƿilum ær ingear dagum
gief stolas breac · ðōn on ƿæcneð eft ƿine leas guma
gesihð himbi foran fealƿe ƿegas baþian brim fuglas
brædan feþra hreosan hrim ⁊snaƿ hagle gemenged ·
þōn beoð þy hefigran heortan benne sare æfter sƿæsne
sorg bið geniƿad þōn maga gemynd mod geond hƿeor
feð greteð gliƿ stafum