Van Dieman's Land/Leeze me on this drap o' drink

Leeze me on this drap o' drink.

Oh, here we'll rest till morning blink,
The feint a care's w'thin our wa';
And leeze me on this drap o' drink,
It maks us rank wi princes a'.

The Great aboon of boundless power,
Is pleased when we are happy a'
He formed us for the social hour———
Then let us live by nature's law

The fool wha dreads a woman's scorn,
May pay his groat and slink awa':
And he who would not bouse till morn,
Is but a gowk wi heart o' snaw.

But here's guid luck to ilka chiel,
Wha fills a cup to honour's ca',
And he wha wadna wish us weel
The deil his sordid saul may claw.