Way for to woo/Dinna think, bonny lassie

DINNA THINK, BONNY LASSIE.

O dinna think bonny lassie I’m gaun to leave you
Dinna think bonny lassie I’m gaun to leave you,
Dinna think bonny lassie I’m gaun to leave you,
I'll tak a stick into my hand an’ come again an’ see you.

Far’s the gate ye hae to gang, dark's the night and eerie,
Far’s the gate ye hae to gang, &c.
Far’s the gate ye hae to gang, &c.
O stay this ae night wi’ your love and dinaa gang and leave me.

It’s but a night and half a day that I’ll leave my dearie,
It’s but a night and half a day, &c
It’s but a night and half a day, &c.
Whene’er the sun gaes west the loch I’ll come again and see thee.

Dinna gang my bonny lad dinna gang and leave me,
Dinna gang my bonny lad, &c.
When a’ the lave are sound asleep I’m dull and eerie,
An’ a the lee lang night I'm sad wi’ thinking on my dearie.

O dinna think bonny lassie I’m gaun to leave you
Dinna think bonny lassie I’m gaun to leave you,
Dinna think bonny lassie I’m gaun to leave you,
Whene’er the sun gaes out o' sight I’ll come again and see thee.

Waves are rising o’er the sea, winds blaw loud an’ fear me,
Waves are rising o’er the sea, &c.
Waves are rising o’er the sea, &c.
An’ gin ye loe me as ye say ye winna gae and leave me.

O never mair bonny lassie will I gang & lea thee
Never mair bonny lassie, &c.
Never mair bonny lassie, &c.
E’en let the warld gae as it will I’ll came again an’ cheer thee.

Frae his hand he coost the stick, I winna gang and leave thee,
Threw his plaid into the neuk never can I grieve thee,
Drew his boots, an’ flang them by, come my lass be cheerie,
I’ll kiss the tear frae aff thy cheek an’ never leave my dearie.