WILLIE brew'd a peck o' ma't,An' Rab an' Allan came to prie;Three blyther lads that lee-lang night,Ye wadna found in Christendie.For we are nae fu' we're nae yet fu',But just a wee drap in our e'e;The cock may craw, the day may daw'But still we'll taste the barley bree.
Here are we met, three jolly boys,Three jolly boys I trow are we;An' mony a canty night we've seen,An' mony mae we hope to see.For we are nae fu', &c.
It is the moon, I ken her horn,That's blinking in the lift sae hi';She shines fu' bright, to waul us hame,But by my sooth she'll wait a wee,For we are nae fu', &c.
Wha first shall rise to gang awa',A coward, cuckold loon is he:Wha first beside his chair shall fa',He is the King amang us three.For we are nae fu', &c.
