Yellow-hair'd laddie/The auld yellow-hair'd laddie

≈≈≈≈≈≈≈≈≈≈≈≈≈≈≈≈

The Auld Yellow-Hair’d LADDIE.

THE yellow hair'd laddie sat down on yon brae,
Cries milk the ews, lassie, let nane of them gae;
And ay she milked, and ay she sang,
The yellow hair'd laddie shall be my goodman.
And ay she milked, &c.

The weather is cauld and my claithing is thin;
The ews are new clipped, they winna bught in;
They winna bught in though I shou'd die,
O yellow-hair’d laddie, be kind to me;
They winna bught in, &c.

The goodwife cries butt the house, Jenny, come ben,
The cheese is to mak, and the butter's to kirn,
Though butter, and cheese, and a' shou'd sour,
I'll crack and kiss wi’ my love ae ha'f hour;
It's ae ha'f hour, and we’s e’en mak it three,
For the yellow-hair'd laddie my husband shall be.