Young Lochinvar (3)/Blythe Was She

For other versions of this poem, see Blythe Was She.

BLYTHE WAS SHE.

Blythe, blythe and merry was she,
Blythe was she but and ben :
Blyth by the banks of Earn,
And blythe in Glenturit glen.

By Ochtertyre grows the aik.
On Yarrow braes the birken shaw ;
But Phemie was a bonnier lass,
Than braes o Yarrow ever saw.
Blythe &c.

Her looks were like a flower in May,
Her smile was like a simmer morn;
She tripped by the banks o' Earn,
As light's a bird upon a thorn.
Blythe, &c.

Her bonny face it was as meek,
As onie lamb upon a lee;
The ev'ning sun was ne'er sae sweet
As was the blink o' Phemie's e'e.
Blythe, &c.

The Highland hills I ve wander'd wide,
And o'er the Lowlands I hae been ;
But Phemie was the blythest lass,
That ever trod the dewy green.
Blythe, &c.