Burns' Popular Songs/There was a lad was born in Kyle
For other versions of this work, see There was a lad was born in Kyle.
There was a lad was born in Kyle.
There was a lad was born in Kyle,
But whatna day o' whatna style,
I doubt it's hardly worth the while
To be sae nice wi' Robin.
But whatna day o' whatna style,
I doubt it's hardly worth the while
To be sae nice wi' Robin.
Robin was a rovin' boy,
Rantin' rovin', rantin' rovin';
Robin was a rovin' boy,
Rantin' rovin' Robin!
Rantin' rovin', rantin' rovin';
Robin was a rovin' boy,
Rantin' rovin' Robin!
Our monarch's hindmost year but ane
Was five-and-twenty days begun,
'Twas then a blast o' Janwar' win'
Blew hansel in on Robin.
Was five-and-twenty days begun,
'Twas then a blast o' Janwar' win'
Blew hansel in on Robin.
The gossip keekit in his loof,
Quo she, wha lives will see the proof,
This waly boy will be nae coof';
I think we'll ca' him Robin.
Quo she, wha lives will see the proof,
This waly boy will be nae coof';
I think we'll ca' him Robin.
He'll hae misfortunes great and sma',
But aye a heart a boon them a';
He'll be a credit till us a'—
We'll a' be proud o' Robin.
But aye a heart a boon them a';
He'll be a credit till us a'—
We'll a' be proud o' Robin.
But sure as three times three mak ninc,
I see by ilka score and line,
This chap will dearly like our kin',
So leeze me on thee, Robin.
I see by ilka score and line,
This chap will dearly like our kin',
So leeze me on thee, Robin.