Four Comic Songs/The Gill Stoups

by Anonymous

The Gill Stoups.

 

Hey the bonny, how the bonny,Hey the bonny gill stoup,Blythe and merry were they a',When we fuddled out our gill stoups.

There was a raffle in the town,The prize it was a braw new gown;But soon the whisky knock'd us down,By fuddling out our gill stoups.

At nine o'clock they did convene,Some were the drunkest ere was seen,But the landlord ne'er fash'd to complain,As we fuddled out our gill stoups.Hey the bonny, &c.

In cam some auld wives wi' a blaw,To see to whom the prize might fa', And muckle thought they o' us a',Especially of our gill stoups.Hey the bonny, &c.

 

SPOKEN.

When I ga'd in, there was a swatch o' auld wives sitting round a table eating roasted herring, and drinking whisky and cap, and I think they ca'd it Papin: there they were at it, each of them took sican a devil o' a slough o't, that before ever they kenn'd what they were about, they began singing

Hey the bonny, &c.

The prize it was baith cheap and good,The folks were a' in glorious mood;The sangs ga'd round, and was sae loud,By fuddling out our gill stoups.

A bonny lassie got the prize,And joy was seen sparkling in her eyes;Yet muckle she did me surprise,—She emptied out her gill stoops.Hey the bonny, &c.

 

SPOKEN.

When I ga'd in, there she was sitting in the lam neuk, wi' a cutty pipe in her cheek, no the length o' her thumb, and as black as the very devil; when I said, Jenny, rise up and pay the man his five shillings. Five shillings! quo' she, what pat that in your head? I dinna owe a farthing in the town; and I paid the man the last gill mysel', and didna leave a single babee. Says I, Come now Jenny, nane o' your nonsense,—rise and pay the man his five shillings. Ye ken ye have got the prize. Hae I got the prize?—Then fill in anither gill, and a bottle o' cap, and we'll sing

Hey the bonny, &c.

---