Musical garland/Donald Caird's come again

---

Donald Caird's come again.

Donald Caird's come again;
Donald Caird's come again;
Tell the news in brugh and glen,
Donald Caird's come again.

Donald Caird can lilt and sing,
Blythely dance the highland fling:
Drink till the gudeman be blind
Fleech till the gudewife be kind,
Hoop a leglin, clout a pan,
Crack a pow wi‘ ony man.
Tell the news in burgh and glen,
Donald Caird‘s come again.

Donald Caird can wire a maukin,
Kens the wiles o' dun deer staukin,
Leisters kipper, mak’s a shift,
To shoot a moorfowl in the drift.
Water-bailiffs, rangers, keepers,
He can wauk when ye are sleepers;
Not for bounty or reward,
Dare ye mill wi‘ Donald Caird.

Donald Caird can drink a gill,
Fast as hostler wife can fill;
Ilka ane that sells good liquor,
Kens how Donald bends a bicker:
When he‘s fou he‘s proud and saucy,
Keeps the cantle o‘ the causey;
Highland chief and lowland laird,
Maun gi‘e room to Donald Caird.

Steek the amrie, lock the kist,
Else some gear may weel be mist;
Donald Caird finds orra things,
Whare Allan Gregor fand the tings;
Daunts o' kebbucks, taits o‘ woo,
Whiles a hen and whiles a sow:
Webs or duds frae hedge or yard.—
Ware the woody, Donald Caird.

On Donald Caird the doom was stern,
Craig to tether—legs to airn:
But Donald Caird wi’ muckle study,
Caught the gift to cheat the woody.
Sings o airn, and bolts o‘ steel,
Fell like ice frae hand and heel;
Watch the sheep in fauld and glen,
Donald Caird's come again, &c.