Musical garland/Wandering Willie

Wandering Willie.

Here awa, there awa, wandering Willie;
Here awa, there awa, haud awa hame;
Come to my bosom, my ain only dearie,
Tell me thou bring’st me, my Willie, the same.

Winter winds blew loud and eauld at our parting,
Fears for my Willie brought tears frae my e’e;
Welcome now simmer, and weleome my Willie,
The simmer to nature, my Willie to me.

Rest, ye wild storms, in the cave o’ your slumbers.
How your dread howling a lover alarms;
Wauken, ye breezes, blow gently, ye billows,
And waft my dear laddie ance mair to my arms.

But oh, if he’s faithless, and minds na his Nanny,
Flow still between us, thou wide roaring main;
May I never see it, may I never trow it,
But, dying, believe that my Willie’s my ain.