New Song, to the Tune of Cauld Kail in Aberdeen/The Farewell

THE FAREWELL.

Tune—-Jackie's far awa.

O welcome winter wi' thy storms,
Thy frosts and hills of sea'.
Dismantle nature o' her charms,
For I maun lea them them a'.
I've mourn'd the go wan wither'd, laid
Upon its wallow bier;
I've seen the rose bud dreeping fade
Beneath the dewy tear.

Then fare ye weel, my friends sae dear,
For I maun lea you a'.
O will ye sometimes shed a tear
For me, when far awa?
For me, when far frae hame and you,
Where ceaseless tempests blaw,
Will ye repeat my last adieu,
An' mourn that I'm awa?

I've seen the wood, where rude winds rave,
In gay green mantle drest;
But now its leafless branches wave
Wild whistling in the blast;
So perish'd a' my youthfu' joy,
An' left me thus to mourn;
The vernal sun will gild the sky,
But joy will ne'er return.
Then fare ye weel, etc.

In vain will spring her gowans spread
Owre the green swairded lea;
The rose beneath the hawthorn shade
Will bloom in vain to me;
In vain will spring bedeck the bow'rs
Wi' buds and blossoms braw,
The gloomy storm already low'rs
That drives me far awa.
Then fare ye weel, etc.

O winter spare the peacefu' scene
Where early joys I knew;
Still be its fields unfading green,
Its sky unclouded blue.
Ye lads and lasses, when sae blythe
The social crack ye ca,
O spare the tribute of a sigh
For me, when far awa.
Then fare ye weel, etc.

---