New garland of choice songs/The mill, mill, o

The Mill, Mill, O.

Beneath a green shade I fand a fair maid,
was sleeping sound and still, ;
A' lowin wi‘ love my fancy did rove
around her wi' good will O.
Her bosom I prest but sunk in her rest,
she stirr d na my joys to spill O.
While kindly she slept close to her I crept,
and kiss'd, and kiss'd her my fill O.

Obliged by command in Flanders to land,
t‘employ my courage and skill, O,
Frae her quietly I staw, hoist sails an' awa,
for the wind blew fair on the billow.
Twa years brought me hame, whar loud-fraising Fame
tauld me wi' a voice right still, O,
My lass, like a fool, had mounted the stool,
nor kend wha had done her the ill, O.

Mair fond o' her charms wi‘ my son in her arms,
I ferlying spier d how she fell, O;
Wi the tear in her ee quo she, Let me die,
sweet sir, gin I can tell, O.
But love gave command, I took her by the hand,
and bade a' her fears dispel, O,
And nae mair look wan, for I was the man
wha bad done her the deed mysel, O.

My bonny sweet lass, on the gowany grass,
beneath the shilling hill, O
If I did offence, I'se mak ye amends,
before I leave Peggy s mill, O.
O the mill mill O, and the kill kill O,
and the coggin o' the wheel, O,
The sack and the sieve, a' that ye maun leave,
and round wi 'a sodger real. O.

FINIS