O will I come/The Rosy Brier
For other versions of this work, see The Rosy Brier.
THE ROSY BRIER.
Tune—I wish my love was in a mire.
O bonnie was yon rosy brier,
That blooms sae far frae haunt o' man;
And bonnie she, and ah how dear.
It shaded frae the e'ening sun.
Yon rosebuds in the morning dew,
How pure amang the leaves sae green;
But purer was the lover's vow
They witness'd in their shade yestreen.
All in its rude and prickly bower,
That crimson rose, how sweet and fair,
But love is far a sweeter flower
Amid life's thorny path is o'er.
The pathless wild, and wimplin burn,
Wi' Chloris in my arms be mine;
And I the world, nor wish, nor scorn,
Its joys and griefs alike resign.