a qui nous navons fait nul regard, c. li. Ensement je devis a Phelippe Wake mestresse Alianore ma fille. xx. li. et a Mahaud de Bascreville ma soer pur son mariage xl. li. Item je devis a Katerine de Boklaunde mestresse Margarete ma fille. x. livres. Et a Isabel la femme Peres de Geudeford. c. s. Ensement je devis au Chapitre general des freres prechours pur messes et autres oreisons chaunter et dire pur malme. xx. li. Et au chapitre general des freres Menours pur meismes les choses. xx. livres. Item au chapitre des freres de seint Augustin pur meismes les choses. xx. mars. Et au chapitre general des freres Carmeux pur meismes les choses. xx. mars. Ensement je devis al Abbe et Covent de Waledene[1] pur messes chaunter et autres bienfaitz faire pur malme. x. li. Et au Priour et Covent de Launthony[2] pres de Gloucestre pur meismes les choses faire. x. livres. Item au Priour et Covent de Farleghe[3] pur meismes les choses. x. li. Et au Priour et Covent de Breckeñ[4] pur meismes les choses faire. x. li. Et au Priour et Covent de Harle[5] pur meismes les choses faire x. li. Et au Priour et Covent de Stonle.[6] c. s. Et au Priour et Covent de Wirecestre pur meismes les choses faire. x. li. Ensement je devis a Huard de Soyrou mestre Humfrai mon fuiz. xx. li. Et a Robert Swan qe est ove Johan nostre fuiz et ses frerres. xx. li. Item je devis a Robert de Clifton, x. li. Et a Robert de la Lee. x. livres. Item a mestre Wauter mon Keu. x. li. Et a William mon fauconer. x. li. Et a Robert Brutyn. x. li. Item a Berthelet le fauconer. c. s. Et a Johan de Gynes. c. s. Ensement je devis a Richard Wrothe mon Conestable de Breckeñ[4]. xx. li. Et a Thomas Gobyoun mon Conestable du Plesci.[7] xx. li. Et a Henri Herbert, x. li. Item je devis a Wauter le Seler. c. s. et a Roger le Keu. c. s. et a Richard le Deen. c. s. Item je devis a Johan le Deen l. s. et a Adam de Rothingge. c. s. Item a Johan le Chaundeler. l. s. et a Willym le ferour. x. li. Item je devis a Adam le ferour. c. s. et a William de Weston. c. s. Item a Milles. c. s. et a Thomas le Pestour. c. s. Ensement je devis a Thomas de la despense mon Chaumberlein. x. mars. Et a Poun mon barber, x. mars. Item a Williem de la Gardrobe. c. s. et a Robert mon palefreiour, c. s. Item je devis a Gilbert le Poleter. c. s. et a chascun de mes garscons qe ad esté ovesqes moi outre un an le jour qe dieus avera fait sa volentie de moi. XX. s. Ensement je devis qe de touz mes chevaux des meillours soient assignez pur mon enterrement. Et a toutes les choses susdites parfaire Je ai ordeiné Mestre Johan Walewayn. Monsire Bertheleme Denefeud. Labbé de Waleden et Sire Johan de Waleden. mes Executours. Escritte a Goseford pres du Noef Chastel sur Tyne. le xj. jour Daugust Lan de grace. Mil treis centz et disnoef.
