meet nygh soden, than this ylonde began to move; wherof the monkes were aferde, and fledde anone to the shyppe, and lefte the fyre and meet behynde them, and mervayled sore of the movyng. And saynt Brandon comforted them, and sayd that it was a grete fisshe namedjasconye, whiche laboureth nyght and daye to put his tayle in his mouth, but for gretnes he may not. And than anone they sayled west thre dayes and thre nyghtes or they sawe ony londe, wherfore they were ryght hevy. But soone after, as God wold, they sawe a fayre ylonde, full of floures, herbes, and trees, wherof they thanked God of his good grace, and anone they went on londe. And whan they had gone longe in this, they founde a full fayre well, and therby stode a fayre tree, full of bowes, and on every bough sate a fayre byrde, and they sate so thycke on the tree that unneth ony lefe of the tree myght be seen, the nombre of them was so grete, and they songe so meryly that it was an hevenly noyse to here. Wherfore saynt Brandon kneled down on his knees, and wepte for joye, and made his prayers devoutly unto our Lord God to knowe what these byrdes ment. And than anone one of the byrdes fledde fro the tree to saynt Brandon, and he with flykerynge of his wynges made a full mery noyse lyke a fydle, that hym semed he herde never so joyfull a melodye. And than saynt Brandon commaunded the byrde to tell hym the cause why they sate so thycke on the tree, and sange so meryly. And than the byrde sayd, "Somtyme we were aungels in heven, but whan our mayster Lucyfer fell down into hell for his hygh pryde, we fell with hym for our offences, some hyther, and some lower, after the qualyté of theyr trespace; and bycause our trespace is but lytell, therfore our Lorde hath set us here out of all pyane in full grete joye and myrth, after his pleasynge, here to serve hym on this tree in the best maner that we can. The Sonday is a day of rest fro all worldly occupacyon, and, therfore, that daye all we be made as whyte as ony snow, for to prayse our Lorde in the best wyse we may." And than this byrde sayd to saynt Brandon, " It is xij. monethes past that ye departed fro your abbey, and in the vij. yere hereafter ye shall se the place that ye desyre to come, and all this vij. yere ye shal kepe your Eestcr here with us every yere, and in the ende of the vij. yere ye shal come into the Londe of Byhest." And this was on Eester daye that the byrde sayd these wordes to saynt Brandon. And than this fowle flewe agayn to his felawes that sate on the tree. And than all the byrdes began to synge evensonge so meryly, that it was an hevenly noyse to here; and after souper saynt Brandon and his felawes wente to bedde, and slepte well, and on the morowe they arose betymes, and than those byrdes began matyns, pryme, and houres, and all suchc service as Chrysten men use to synge. ....
And seven dayes they sayled alwaye in that clcrc water. And than there came a south wynde and drove the
