There was a problem when proofreading this page.
SONGS.
THE AULD MAN GAUN TO BE MARRIED.
In Beith there liv’d a frail auld man,
His age was sixty-five an’ ten,
Wha took a break, whan near his en’,
That he wad gang an’ marry :
The auld man that liv’d in Beith,
The aged man that dwalt in Beith,
The deein man that liv’d in Beith,
He wad gang try an’ marry.
He lee’d an’ cheated, pinch’d his wame,
Grew rich by mony a dirty scheme,
But he turned auld, an’ stiff, an’ lame,
Black, crabbit, an’ camstrary.
The rich auld man that liv’d in Beith,
The worthless man that dwalt in Beith,
The crabbit man that dwalt in Beith.
Wad fain gae try an’ marry.
He thought on Meg sae trig an’ douce,
To wash his claes, an' clean his house,
That ne’er a spider nor a louse
In his abode might tarry.
