3
The aged man that liv’d in Beith, The dirty man that liv’d in Beith, The black auld man that wenn’d in Beith, Saw nae relief but marry.
He promis’d cash, he’d fetch her braws, Himsel' an’ a’ within his wa’s, Nae bittin horse nor empty sta’s, But brimfu’ cups to carry.
The loving man that liv’d in Beith, The amorous man that dwalt in Beith, The frank auld man that dwalt in Beith, Wad gie his all an’ marry.
But ah, the road to her was lang, The man was frail, an’ cou’dna gang; His kin said things war, a’ gaun wrang— The auld fool wad them herry.
The frail auld man that liv’d in Beith, The cross’d auld chap that liv’d in Beith, The vex’d auld man that dwalt in Beith, They wadna let him marry.
They watch’d him closely out and in, Said he was daft—they wad him bin’, The frail auld Beith man didna win, To court his winsom deary.
The captive man that liv’d in Beith, The daft auld fool that was in Bcith, The auld man that liv’d in Beith, He ne’er got leave to marry.
