38. Eft sē Hǣlend gēomrode on him sylfum, and cōm tō þǣre byrgenne. Hit was ān scræf, and þār wæs ān stān onuppan gelēd.[1]
39. And sē Hǣlend cwæð, Dōð aweg þone stān. Ðā cwæð Martha tō him, þæs swustor þe þār dēadē wæs, Drihten, nū hē stincð; hē wæs for fēowur dagon dēad.[2]
40. Sē Hǣlend cwæð tō hyre, [Hū] ne sǣde ic ðe þæt þū gesyhst Godes wuldor, gif ðū gelȳfst?[3]
41. Þā dydon hig aweg þone stān. Sē Hǣlend āhōf ūpp his ēagan, and cwæð, Fæder ic dō þē þancas for þām þū gehyrdest [mē.][4]
42. Ic wāt þæt þū mē symle gehȳrst; ac ic cwæð for þām folce þe hēr ymbūtan stent, þæt hig gelȳfon þæt þū mē āsendest.
43. Ðā hē ðās þing sǣde, hē clypode mycelre stefne, Lazarus, gā ūt.
44. And sōna stōp forð sē ðe dēad wæs, gebunden handan and fōtan; and hys nebb wæs mid swātlīne gebunden. Đā cwæð sē Hǣlend tō him, Unbindað hine, and lǣtað gān.[5]
- ↑ B, C, sylfon; A, byrgene.
- ↑ B, C, þæne; A, swuster; B, C, died (twice); Corp., stingð, A, styncð, B, C, stincð; A, feower dagum.
- ↑ C, helend; Corp., B, C, om. Hu, A, hu.
- ↑ B, C, þæne; A, Se hælend ahof his eagan up (changed order); A, ic do þancas þe (changed order); Corp., om. me, A, B, C, me.
- ↑ B, C, died; A, handum and fotum; B, C, handon and foton; A, neb.
