Page:Gospel of Saint John in West-Saxon.djvu/107

29. Đā hēo þæt gehȳrde, hēo ārās raðe and cōm tō him.

30. Þā gȳt ne cōm sē Hǣlend binnan þā ceastre, ac wæs ðā gȳt on ðǣre stōwe þār Martha him ongēan cōm.^[1]

31. Þā Iudeas þe wǣron mid hyre on hūse and hī frēfrodon, þā hig gesāwon þæt Maria ārās and mid ofste ūt ēode, hig fyligdon hyre, ðus cweþende, Hēo gǣð tō his byrgenne þæt hēo wēpe þār.^[2]

32. Đā Maria cōm þār sē Hǣlend wæs, and hēo hine geseah, hēo fēoll tō his fōtum, and cwæð tō him, Drihten, gif ðū wǣre hēr, nǣre mīn brōðor dēad.^[3]

33. Đā sē Hǣlend geseah þæt hēo wēop, and þæt þā Iudeas wēopon þe mid hyre cōmon, hē gēomrode on hys gāste and gedrēfde hyne sylfne,^[4]

34. and cwæð, Hwār lēde gē hine? Hig cwǣdon tō him, Drihten, gā and geseoh.^[5]

35. And sē Hǣlend wēop.

36. And þā Iudeas cwǣdon, Lōca nū hū hē hyne lufode.

37. Sume hī cwǣdon, Ne mihte ðēs, þe ontȳnde blindes ēagan, dōn ēac þæt þēs nǣre dēad?^[6]

1. A, þær; B, C, ongen.
2. A, frefredon; A, ofeste; Corp., eodon, A, B, C, eode; A, byrgene; Corp., A, B, C, þara (for þar).
3. Corp., hæled; A, B, C, hælend; A, B, C, geseh; B, C, died (for dead).
4. B, C, geseh.
5. A, om. to him.
6. A, hlyndes mannes eagan; B, C, died (for dead).