10. Đāra sācerda ealdras þōhton þæt hig woldon Lazarum ofslēan;[1]
11. for þām þe manega fōron fram þām Iudeon for his þingon, and gelȳfdon on þone Hǣlend.[2]
12. On mergen mycel menio þe cōm tō þām freolsdage, þā hig gehȳrdon þæt sē Hǣlend cōm tō Ierusalem,[3]
13. hī nāmon palmtrȳwa twigu, and ēodon ūt ongean hine, and clypedon, Sī Israhela Cing hāl and geblētsod þe cōm on Drihtnes naman.[4]
14. And sē Hǣlend gemētte ānne assan and rād onuppan þām; swā hit āwriten ys,
15. Ne ondrǣd þū, Siones dohtor; nū þīn cing cymp uppan assan folan sittende.[5]
16. Ne undergēton hys leorningcnihtas þās þing ǣrest; ac þā sē ǣlend wæs gewuldrod, þā gemundon hig þæt þās þing wāron āwritene be him, and þās þing hig dydon him.[6]
17. Sēo menio þe wæs mid him, þā hē Ladzarum clypode of ðǣre byrgene and hine āwehte of dēaðe, cȳðde gewitnesse.[7]
18. And for ðī him cōm sēo menio ongēan, for ðām þe hī gehȳrdon þæt hē worhte þæt tācn.[8]
- ↑ A, þæra; C, þoh (for þohton); B, C, ladzarum.
- ↑ A, manege; C, foran; A, iudeum; B, C, þæne.
- ↑ B, C, morgen; A, mænigeo; A, hierusalem.
- ↑ A, palmtreowa twygu; B, C, ongen; A, clypodon. Syg ysrahela cyning.
- ↑ A, dohter; A, cyning, C, cyng.
- ↑ A, undergeaton; A, ac se (om. þa).
- ↑ A, mænigeo; A, lazarum; B, C, dieðe (for deaðe).
- ↑ A, mænio, B, C, menigeo; B, C, ongen; A, tacen.
