19. Đā Pharisei cwǣdon betwux him sylfon, Wē gesēoð þæt wē nān þing ne fremiað; nū wyle eall middaneard æfter him.[1]
20. Sume ðā wǣron hǣðene þe fōron þæt hig woldon hī gebiddan on ðām frēolsdæge;[2]
21. ðā genēalǣhton tō Philippe, sē wæs of þǣre Galileiscean Bethsaida, and hī bǣdon hine, and cwǣdon, Lēof, wē wyllað gesēon þone Hǣlend.[3]
22. Đā ēode Philippus and sǣde hit Andree; and eft Andreas and Philippus hit sǣdon þām Hǣlende.[4]
23. Sē Hǣlend him andswarode and cwæð, Sēo tīd cymð þæt mannes Sunu by geswutelod.
24. Sōðlīce ic secge ēow, Þæt hwǣtene corn wunað āna, būton hyt fealle on eorpan and sȳ dēad; gif hit [bið] dēad, hit bringð mycelne wæstm.[5]
25. Sē þe lufað his sāwle forspilþ hig; and sē þe hataþ his sāwle on þison middanearde gehylt hī on ēceon līfe.[6]
- ↑ Corp., betux, A, betweox, B, C, betwux; A, sylfum; B, freniað (originally written fremiað; erasure of the first stroke of the m); A, myddangeard.
- ↑ Corp., B, C, ðæge, A, þe (for ðā).
- ↑ A, hig to phylyppe; A, betsaida; B, C, þæne.
- ↑ A, andreę; A, om. and philippus; A, hyt sæde.
- ↑ Corp., B, C, omit bið, A, byð.
- ↑ B, C, saule (twice); A, myddangearde; A, econ lyfe.
