Page:Gospel of Saint John in West-Saxon.djvu/124

17. sōðfæstnysse gāst þe ðēs middaneard ne mæg underfōn; hē ne cann hyne, for ðām þe hē ne gesyhþ hyne; gē hyne cunnon, for þām hē wunað mid ēow, and bið on ēow.^[1]

18. Ne lǣte ic ēow stēopcild; ic cume tō ēow.^[2]

19. Nū gȳt ys ān lȳtel fyrst, and middaneard mē ne gesyhþ; gē mē gesēoð; for þām ic lybbe, and gē lybbað.^[3]

20. On þām dæge gē gecnāwaþ þæt ic eom on mīnum Fæder, and gē synt on mē, and ic eom on ēow.^[4]

21. Sē þe hæfð mīne bebodu, and gehylt þā, hē ys þe mē lufað. Mīn Fæder lufað þone þe mē lufað, and ic lufige hyne, and geswutelige him mē sylfne.^[5]

22. Iudas cwæð tō him, - næs nā sē Scarioth, - Drihten, hwæt ys geworden þæt þū wylt þē sylfne geswuteligan ūs, næs middanearde?^[6]

23. Sē Hǣlend andswarode and cwæð tō him,

Ðys godspel sceal on pentecostenes mæssedæg.

Gif hwā mē lufað, hē hylt mīne sprǣce; and mīn Fæder lufað hine, and wē cumað tō him, and wē wyrceað eardungstōwa mid him.^[7]

1. A, can; A, for þam ðe he wunað.
2. A, steopcyld.
3. C, bidde altered to lidde (for lybbe).
4. B, C, minon; A, synd.
5. A, healt, B, C, hylt; Corp., B, C, þæne, A, þone.
6. A, geswutelian; C, -eard.
7. A, Se hælend hym andswarode and cwæð to hym; A, healt; A, wyrcað.