Page:Gospel of Saint John in West-Saxon.djvu/123

8. Philippus cwæð tō him, Drihten, ætȳw ūs þone Fæder, and we habbað genōh.^[1]

9. Sē Hǣlend cwæð tō him, Philippus, swā lange tīd ic wæs mid ēow, and gē ne gecnēowun mē? Sē þe mē gesyhð gesyhð mīnne Fæder; hūmeta cwyst þū, Ætȳw ūs þīnne Fæder?^[2]

10. Ne gelȳfst þū þæt ic eom on Fæder, and Fæder ys on mē? Đā word þe ic tō ēow sprece, ne sprece ic hī of mē sylfon; sē Fæder þe wunað on mē, hē wyrcð þā weorc.^[3]

11. Ne gelȳfe gē þæt ic eom on Fæder, and Fæder ys on mē? gelyfað for þām weorcon.^[4]

12. Sōð ic ēow secge, Sē ðe gelȳfð on mē, hē wyrcð þā weorc þe ic wyrce; and hē wyrcð māran þonne þā synt, for þām þe ic fare tō Fæder.^[5]

13. And ic dō swā hwæt swā gē biddað on mīnon naman, þæt Fæder sī gewuldrod on Suna.^[6]

14. Gif gē hwæt mē biddaþ on mīnum naman, þæt ic dō.^[7]

Ðys [godspel] sceal on pentecostenes mæsseǣfen.

15. Gif gē mē lufiað, healdað mīne beboda.^[8]

16. And ic bidde Fæder, and hē sylþ ēow ōðerne Frēfriend, þæt bēo ǣfre mid ēow,

1. A, B, C, þæne.
2. A, B, C, gecneowon.
3. Corp., gelyft, A, B, C, gelyfst; A, sylfum.
4. A, weorcum.
5. Corp., B, C, þæge synt, A, þa synd.
6. A, mynum.
7. C, ðæt do ic (changed order).
8. A, B, C, bebodu.