Page:Gospel of Saint John in West-Saxon.djvu/126

CAPUT XV

Ðys godspel gebyrað tō sancte Uitalis mæssan.

1. Ic eom sōð wīneard, and mīn Fæder ys eorðtilia.^[1]

2. Hē dēð ǣlc twig aweg on mē þe blǣda ne byrð; and hē feormað ǣlc þāra þe blǣda byrþ, þæt hyt bere blǣda ðē swīðor.^[2]

3. Nū gē synt clǣne for þǣre sprǣce þe ic tō ēow spræc.^[3]

4. Wuniað on mē, and ic on ēow. Swā twig ne mæg blǣda beran him sylf, būton hit wunige on wīnearde; swā gē ne magon ēac, būton gē wunion on mē.^[4]

5. Ic eom wīneard, and gē synt twigu. Sē ðe wunað on mē, and ic on him, sē byrð mycle blǣda; for ðām gē ne magon nān ðing dōn būtan mē.

6. Gif hwā ne wunað on mē, hē byð āworpen ūt, swā twig, and fordrūwað; and hig gaderiað þā, and dōð on fȳr, and hig forbyrnað.

Ðys godspel sceal on wōdnesdæg ofer ascensio Domini.

7. Gyf gē wuniað on mē, and mīne word wuniað^[5]

1. Corp., blank space for the initial letter of Ic, A, B, Ic, C, ic.
2. B, C, bleda (three times), A, bleda altered by the scribe himself to blæda (three times); A, þæra.
3. A, synd.
4. B, C, bleda, A, bleda, altered to blæda; A, ec.
5. A, byddað.