Page:Gospel of Saint John in West-Saxon.djvu/130

sǣde ic ēow þās ðing æt fruman, for þām þe ic wæs mid ēow.

Ðys godspel sceal on sunnandæg on þǣre fēorðan ucan ofer ēastron.

5. Nū ic fare tō ðām þe mē sende; and ēower nān ne āhsað mē hwyder ic fare.^[1]

6. Ac for þām þe ic spræc ðās þing tō ēow, unrōtnyss gefylde ēowre heortan.^[2]

7. Ac ic [ēow] secge sōðfæstnysse; Ēow fremað þæt ic fare. Gif ic ne fare, ne cymð sē Frēfriend tō ēow; witodlīce gif ic fare, ic hyne sende tō ēow.^[3]

8. And þonne hē cymð, hē þȳwþ þysne middaneard be synne, and be rihtwīsnysse, and be dōme:^[4]

9. be synne, for þām hi ne gelyfdon on mē;

10. be rihtwīsnysse, for þām ic fare tō Fæder, and gē mē ne gesēoð;

11. be dōme, for þām þyses middaneardes ealdur ys gedēmed.^[5]

12. Gyt ic hæbbe ēow fela tō secgenne, ac gē hyt ne magun nū ācuman.^[6]

13. Donne þǣre sōþfæstnysse Gāst cymð, hē lǣrð ēow ealle sōþfæstnysse; ne sprycð hē of^[7]

1. B, sennde; A, acsað.
2. A, unrotnys.
3. Corp., B, C, om. eow, A, eow.
4. B, and be dome... rihtwisnysse (10) originally omitted by homœoteleuton; the same scribe supplies the omission on the margin.
5. A, ealdor.
6. A, fæla to secganne; A, ge ne magon hit (changed order).
7. A, soþfæstnesse (second time).