23. Sē þe mē hatað hatað mīnne Fæder.
24. Gif ic nāne weorc ne worhte on him þe nān ōðer ne worhte, næfdon hī nāne synne; nu hī gesāwon, and hī hatedon ǣgðer ge mē ge mīnne Fæder.
25. Ac þæt sēo sprǣc sȳ gefylled þe on hyra ǣ āwriten ys, Þæt hī hatedon mē būton gewyrhton.[1]
Ðys [godspel] gebyrað on sunnandag ofer ascensio Domini.
26. Đonne sē Frēfriend cymð þe ic ēow sende fram Fæder, sōðfæstnysse Gāst þe cymð fram Fæder, hē cȳð gewitnesse be mē;[2]
27. and gē cȳðað gewitnesse, for ðām gē waron fram fruman mid mē.
CAPUT XVI
1. Đās ðing ic ēow sǣde þæt gē ne swicion.
2. Hī dōð ēow of gesomnungum; ac sēo tīd cymð þæt ǣlc þe ēow ofslyhð wēnþ þæt hē þēnige Gode.
3. And þās ðing hig dōð, for þām þe hī ne cūþon mīnne Fæder, nē mē.
4. Ac þās þing ic ēow sǣde, þæt gē gemunon þonne hyra tīd cymð, þæt ic hit ēow sǣde. Ne[3]
