28. Æfter ðyson, þā sē Hǣlend wiste þæt ealle ðing wǣron geendode, þæt þæt hālige gewrit wǣre gefylled, þā cwæð hē, Mē þyrst.[1]
29. Đā stōd ān fæt full ecedes; hī bewundon āne spyngan mid ysopo, sēo wæs full ecedes, and setton tō his mūðe.[2]
30. Þā sē Hǣlend onfeng þæs ecedes, ðā cwæð hē, Hyt ys geendod: and hē āhylde his hēafod, and āgef his gāst.[3]
31. Đā Iudeas bǣdon Pilatum þæt man forbrǣce hyra sceancan, and lēte hī nyðer, for þām þe hit was gegearcungdæg, þæt þā līchaman ne wunodon on rōde on restedæge; - sē dæg was mǣre restedæg.[4]
32. Đā cōmon þā cempan, and brǣcon ðæs forman sceancan, [and ðæs ōðres,] þe mid him āhangen wæs.[5]
33. Þā hī tō þām Hǣlende cōmon, and gesāwon þæt hē dēad wæs, ne brǣcon hī nā his sceancan;
34. ac ān þǣra cempena geopenode his sīdan mid spere, and hrædlīce þār flēow blōd ūt and wæter.[6]
35. And sē ðe hit geseah cȳðde gewitnesse, and[7]
- ↑ A, þysum.
- ↑ A, bewendon; Corp., springan, A, spyngan, B, spingan.
- ↑ A, ageaf.
- ↑ A, tobræce heora; A, geearcungdæg; A, wunedon; Corp., o, A, B, on.
- ↑ Corp., A, B, bræcon ærest ðæs sceancan, and omit and ðæs oðres; A, myd hym hangedon.
- ↑ Corp., þære, A, B, þæra; B, geopenede; A, þær.
- ↑ A, gewytnesse.
