21. Đā cwǣdon þā bisceopas tō Pilate, Ne wrīt ðū Iudea Cyng, ac þæt hē cwǣde, Ic eom Iudea Cyning.[1]
22. Đā cwæð Pilatus, Ic wrāt þæt ic wrāt.[2]
23. Đā þā cempan hine āhēngon, hī nāmon his rēaf, and worhton fēower dǣlas, ǣlcon cempan ānne dǣl; and tunecan: sāo tunece was unāsīwod, and was eall āwefen.[3]
24. Đā cwǣdon hī him betwēonan, Ne slīte wē hȳ, ac uton hlēotan hwylces ūre hēo sȳ; þæt þæt hālige gewrit sȳ gefylled þe þus cwyþ, Hī tōdǣldon him mīne rēaf, and ofer mine rēaf hī wurpon hlott. Witodlīce þus dydon þā cempan.[4]
25. Đā stōdon wið þā rōde þæs Hǣlendes mōdor, and his mōdor swustor, Maria Cleophe, and Maria Magdalenisce.[5]
26. Đā sē Hǣlend gesēah his mōdor, and þone leorningcniht standende þe hē lufode, þā cwæð hē tō his mēder, Wīf, hēr ys þīn sunu![6]
27. Eft hē cwæð tō þām leorningcnihte, Hēr ys þīn mōdor! And of þǣre tīde sē leorningcniht hī nam tō him.[7]
- ↑ A, cyning (twice); B, ac þæt... cyning supplied by the scribe on the margin.
- ↑ A, Ic wrat þæt, altered to [þæt þæt] Ic wrat ic wrat (the bracketed words being above the line).
- ↑ A, ænne; A, unaseowod; B, C, aweuen.
- ↑ B, C, betwynan; Corp., ures, A, B, C, ure; A, hlot.
- ↑ A, moder (twice); A, swuster.
- ↑ B, C, geseh hys; A, moder; Corp., B, C, þæne, A, þone.
- ↑ A, moder; Fol. 107b of MS. C ends with tide se after which two leaves are lost; there is a note on the margin, "here lacketh a leaf;" the next fol. begins at xx, 22.
