Page:Gospel of Saint John in West-Saxon.djvu/149

42. Sōðlīce pār hig lēdon þone Hǣlend, for þām þǣra Iudea gearcung wæs wið þā byrgene.^[1]

CAPUT XX

Ðys [godspel] sceal on sæternesdæg on þǣre ēasterwucan.

1. Witodlīce on ānon restedæge sēo Magdalenisce Maria cōm on mergen, ǣr hit lēoht wǣre, tō þǣre byrgenne, and hēo geseah þæt sē stān aweg ānumen wæs fram þǣre byrgynne.^[2]

2. Đā arn hēo and cōm tō Simone Petre and tō þām oðron leorningcnihte þe sē Hǣlend lufode, and hēo cwæð tō him, Hī nāmon Drihten of byrgene, and wē nyton hwār hī hyne lēdon.

3. Petrus ēode ūt and sē ōðer leorningcniht, and cōmun tō þǣre byrgene.^[3]

4. Witodlīce hig twēgen urnon ætgædere; and sē ōðer leorningcniht forarn Petre forne, and cōm raðor tō ðǣre byrgenne;^[4]

5. and þā hē nyder ābēah, hē geseah þā līnwǣda licgan; and ne ēode þēah in.^[5]

6. Witodlīce Simon Petrus cōm æfter him, and

1. A, for þam ðe þæra.
2. A, anum; B, morgen; A, byrgene (twice); B, geseh; A, wæs aweg anumen (changed order); B, om. wæs.
3. A, comon.
4. Corp., A, B, petrus; A, byrgene, B, byrgyne.
5. B, abieh; B, geseh; A, licgean; A, B, þeh.