INCIPIT EUANGELIUM
SECUNDUM
Iohannem
CAPUT I
1. On frymðe wæs Word, and þæt Word wæs mid Gode, and God wæs þæt Word.[1]
2. Þæt wæs on fruman mid Gode.
3. Ealle þing wǣron geworhte ðurh hyne; and nān þing næs geworht būtan him.
4. Þæt wæs līf þe on him geworht wæs; and þæt līf wæs manna lēoht.
5. And þæt lēoht lȳht on ðȳstrum; and þȳstro þæt ne genāmon.
6. Mann wæs fram Gode āsend, þæs nama wæs Iohannes.[2]
7. Đēs cōm tō gewitnesse, þæt hē gewitnesse cȳðde be ðām lēohte, þæt ealle menn þurh hyne gelȳfdon.[3]
8. Næs hē lēoht, ac þæt hē gewitnesse forð bǣre be þām lēohte.
