9. Sōð lēoht wæs þæt onlȳht ǣlcne cumendne man on þisne middaneard.
10. Hē wæs on middanearde, and middaneard wæs geworht þurh hine, and middaneard hine ne gecnēow.
11. Tō his āgenum he cōm, and hig hyne ne underfēngon.
12. Sōðlice swā hwylce swā hyne underfēngon, hē sealde him anweald þæt hi wæron Godes bearn, þām ðe gelyfað on his naman:
13. ðā ne synt ācennede of blōdum, nē of flǣsces willan, nē of weres willan, ac hig synt of Gode ācennede.[1]
14. And þæt Word wæs flǣsc geworden, and eardode on ūs, and we gesāwon hys wuldor, swylce āncennedes wuldor of Fæder, þæt wæs ful mid gyfe and sōðfæstnysse.[2]
15. Iohannes cȳþ gewitnesse be him, and clypaþ þus cweðende, Þēs wæs þe ic sǣde, Sē ðe tō cumenne is æfter mē wæs geworden beforan mē, for ðām hē wæs ǣr þonne ic.
16. And of his gefyllednesse wē ealle onfēngon gyfe for gyfe.[3]
17. For þām þe ǣ wæs geseald þurh Moysen;[4]
