Page:Gospel of Saint John in West-Saxon.djvu/49

32. And Iohannes cȳþde gewitnesse cweðende, Þæt ic geseah nyðer cumendne Gāst of heofenum swā swā culfran, and wunode ofer hine.^[1]

33. And ic hine ne cūðe; ac sē þe mē sende tō fullianne on wætere, hē cwæð tō mē, Ofer þone þe ðū gesyhst nyðer stigendne Gāst and ofer hine wuniendne, þæt is sē ðe fullað on Hālgum Gāste.^[2]

34. And ic geseah, and gewitnesse cȳðde þæt þēs is Godes Sunu.^[3]

Ðys [godspel] sceal on sancte Andreas masseǣfen.

35. Eft ōðre dæg stōd Iohannes, and twēgen of his leorningcnihtum;

36. and hē cwæð, þā he geseaḥ þone Hǣlend gangende, Hēr is Godes lamb.^[4]

37. Ðā gehȳrdon hyne twēgen leorningcnihtas sprecende, and fylidon þām Hǣlende.^[5]

38. Þā beseah sē Hǣlend, and geseah hig him fyliende, and cwæð tō him, Hwæt sēce gyt? Hi cwǣdon to him, Rabbi, þæt is gecweden and gereht, Lārēow, hwār eardast ðū?^[6]

39. Hē cwǣþ tō him, Cumaþ and gesēoþ. Hig cōmon and gesāwon hwār hē wunode, and mid

1. A, geseh; A, -cumende; A, on (for of).
2. A, fullienne; Corp., B, C, ðæne, A, þone; A, -stigende; A, wuniende; Corp. fyllað, A, B, C, fullað.
3. A, omits þæt þæs is Godes Sunu.
4. Corp., B, C, þæne, A, þone.
5. A, fyligdon.
6. A, secge (for sece).