Page:Gospel of Saint John in West-Saxon.djvu/58

24. Ðā gȳt næs Iohannes gedōn on cweartern.

Ðys [godspel] sceal on wōdnesdæg, on þǣre þryddan wucan ofer ēastron.

25. Þā smēadon Iohannes leorningcnihtas and þā Iudeas be þǣre clǣnsunge,^[1]

26. and cōmon tō Iohanne, and cwǣdon tō him, Rabbī, sē ðe mid þē was begeondan Iordane, be ðām þū cȳðdest gewitnesse, nū hē fullaþ, and ealle hig cumaþ tō him.^[2]

27. Iohannes andwurde and cwæð, Ne mæg mann nān þing underfōn, būton hit bēo [him] of heofonum geseald.^[3]

28. Gē sylfe mē synd tō gewitnesse þæt ic sǣde, Ne eom ic Crīst, ac ic eom āsend beforan hine.^[4]

29. Sē ðe brȳde hæfð sē is brȳdguma; sē þe is þæs brȳdguman frēond and stent and gehȳrþ hyne, mid gefēan he geblissað for þæs brȳdguman stefne: þēs mīn gefēa is gefylled.

30. Hit gebyrað þæt hē weaxe, and þæt ic wanige.^[5]

31. Sē ðe ufenan cōm sē is ofer ealle; sē þe of eorðan is sē sprycþ be eorðan; sē þe of heofone cōm sē is ofer ealle.

1. Corp., leornigcnihtas; A, B, C, leorningcnihtas.
2. C, coman; A, iordanen.
3. A, B, C, andwyrde; A, man; Corp., uderfon, A, B, C, underfon; Corp., om. him, A, B, C, him; A, heofenum.
4. B, C, neom (for ne eom); A, ieom (for ic eom).
5. Corp., geburað, A, B, C, gebyrað; A, wexe; A, wanie.