21. Đā cwad sē Hǣlend tō hyre, Lā wif, gelȳf mē, þæt sēo tīd cymð þonne gē ne gebiddaþ Fæder nē on þisse dūne nē on Ierusalem.[1]
22. Gē gebiddað þæt gē nyton; we gebiddaþ þæt wē witon; for þām þe hǣl is of Iudeum.[2]
23. Ac seo tid cymð, and nū is, þonne sōþe gebedmen gebiddaþ Fæder on gāste and on sōðfæstnesse; witodlīce Fæder sēcþ swylce þe hyne gebiddon.[3]
24. Gāst is God; and þām þe hyne gebiddað gebyrað þæt hig gebiddon on gāste and on sōðfæstnesse.[4]
25. Ðæt wīf cwæþ tō him, Ic wāt þæt Messīas cymð þe is genemned Crīst; þonne hē cymð, hē cȳð ūs ealle ðing.
26. Sē Hǣlend cwæð tō hyre, Ic hit eom þe wið þē sprece.[5]
27. And þǣrrihte cōmon his leorningcnihtas, and hig wundredon þæt hē wiþ þæt wīf spræc; þēah hyra nān ne cwæð, Hwæt sēcst þū? oððe, Hwæt sprycst þū wið hig?[6]
28. Witodlice þæt wīf forlēt hyre wæterfæt, and ēode tō þǣre byrig, and cwæð tō þām mannum,
