Page:Gospel of Saint John in West-Saxon.djvu/77

42. And hig cwǣdon, Hū nis þis sē Hǣlend, Iosepes sunu? wē cunnon his fæder and his mōdor; hūmeta segð þēs, Ic cōm of heofonum?^[1]

43. Sē Hǣlend him andswarode and cwæð tō him, Ne murcniaþ ēow betwȳnan.^[2]

Ðys [godspel] sceal on wōdnesdæg on þǣre pentecostenes wucan.

44. Ne mæg nān man cuman tō mē, būton sē Fæder þe mē sende hyne tēo; and ic hine ārǣre on ðām ȳtemestan dæge.

45. On ðǣra wītegena bōcum is āwriten, Ealle ēaðlǣre beoð Godes. Ǣlc þe gehȳrde æt Fæder, and leornode, cymð tō mē.^[3]

46. Ne geseah nān man Fæder, būton sē ðe is [of] Gode, sē gesyhþ Fæder.^[4]

47. Sōð ic secge ēow, Sē hæfð ēce līf þe on mē gelȳfð.

48. Ic eom līfes hlāf.

49. Ūre fæderas ǣton heofunlīcne mete on wēstene, and hig synd dēade.^[5]

50. Đis is sē hlāf þe of heofonum cōm, þæt ne swelte sē ðe of him ytt.^[6]

51. Ic eom lybbende hlāf þe of heofonum cōm; swā hwā swā ytt of ðyson hlāfe, hē leofað on^[7]

1. C, sælend (for se hælend); A, moder; A, heofenum.
2. A, betweonan.
3. Corp., ðære, A, B, þæra, C, ðæra.
4. A, geseh; Corp. om. of, A, B, C, of.
5. A, heofenlicne.
6. A, heofenum.
7. A, heofenum; A, þysson.