Page:Gospel of Saint John in West-Saxon.djvu/94

59. Hig nāmon stanas tō þām þæt hig woldon hyne torfian; sē Hǣlend hine bedīglode, and ēode of ðām temple.^[1]

CAPUT IX

Ðys godspel gebyrað on wōdnesdæg on mydfæstenes wucan.

1. Ðā sē Hǣlend fōr, þā gesēah hē ānne man þe wæs blind geboren.^[2]

2. And his leorningcnihtas hine āxodon and cwǣdon, Lārēow, hwæt syngode, þēs oððe his māgas, þæt hē wǣre blind geboren?^[3]

3. Sē Hǣlend andswarude and cwæð, ne syngode hē nē his māgas; ac þæt Godes weorc wǣre geswutelod on him.^[4]

4. Mē gebyrað tō wyrceanne þæs weorc þe mē sende, þā hwīle þe hit dæg is; niht cymþ, þonne nān man wyrcan ne mæg.^[5]

5. Ic eom middaneardes lēoht, þā hwīle þe ic on middanearde eom.

6. Ðā hē þās þing sǣde, þā spǣtte hē on þā eorþan, and worhte fenn of his spātle, and smyrede mid þām fenne ofer his ēagan,

7. and cwæð tō him, Gā and þweah þē on^[6]

1. A, þæt hig hyne woldon (changed order); Corp., B, C, bedilegode, A, bedyglode.
2. A, geseah; A, ænne.
3. A, -cnyhtas acsedon hine (changed order).
4. A, andswarode; A, worc.
5. A, wyrcanne.
6. A, þweh.