Syloes mere. Hē fōr and þwōh hine, and cōm gesēonde.
8. Witodlīce his nēahgebūras and þā þe hine gesāwon þā hē wǣdla was cwǣdon, Hū nis þis se ðe sæt and wǣdlode?
9. Sume cwǣdon, Hē hyt is; sume cwǣdon, Nese, ac is him gelīc. Hē cwæþ sōðlīce, Ic hit eom.
10. Đā cwǣdon hig tō him, Hū wǣron þīne ēagan geopenede?[1]
11. Hē andswarode and cwæð, Sē man þe is genemned Hǣlend worhte fenn, and smyrede mīne ēagan, and cwæð tō mē, Gā tō Syloes mere, and þweah þē; and ic ēode and þwōh mē, and geseah.[2]
12. Đā cwǣdon hig tō him, Hwār is hē? Þā cwæð hē, Ic nāt.
13. Hig lǣddon tō þām Phariseon þone þe þār blind wæs.[3]
14. Hit was restedæg þā sē Hǣlend worhte þæt fenn, and his ēagan untȳnde.[4]
15. Eft þā Pharisei hyne āxsedon hū hē gesāwe. He cwæð tō him, Hē dyde fenn ofer mīne ēagan, and ic þwōh, and ic gesēo.[5]
