HEADINGS OF CHAPTERS
-♦♦-
I. Ærest hu Gotan gewunnon Romana rice, ⁊ hu Boetius hi wolde eft[1] berædan, ⁊ Ðeodric þa ꝥ anfunde, ⁊ hine het on carcerne gebringan.
II. Hu Boetius on þam carcerne his sar seofiende wæs.
III. Hu se Wisdom com to Boetie ærest inne on þā carcerne, ⁊ hine ongan frefrian.
IV. Hu Boetius hine singende gebæd, ⁊ his earfoðu to Gode mænde.
V. Hu se Wisdom hine eft rete ⁊ rihte mid his andsworum.
VI. Hu he him rehte bispell bi þære sunnan ⁊ bi oðrum tunglum ⁊ be wolcnum.
VII. Hu se Wisdom sæde þā Mode ꝥ him naht swiðor nære þonne hit forloren hæfde þa woruldsælda þe hit ær to gewunod hæfde; ⁊ sæde him bispell hu he hit macian sceolde gif he heora þegen beon sceolde; ⁊ be þæs scipes segele, ⁊ hu his gódena weorca ealra wolde her on worulde habban lean.
VIII. Hu ꝥ Mod andsworede þære Gesceadwisnesse, ⁊ sæde ꝥ hit hit æghwonan ongeate scyldig; eac sæde ꝥ hit wære ofseten mid ðæs laþes sare, ꝥ hit ne mihte him geandsworian. Þa cwæð se Wisdom: ꝥ is nu git þinre[2] unrihtwisnesse ꝥ ðu eart fulneah forþoht;[3]; tele nu þa gesælþa wið þam sorgum.
IX. Ða ongan se Wisdom eft secgan bispell be þære sunnan, hu heo oferliht ealle oþre steoran, ⁊ geþiostraþ mid hire leohte; ⁊ hu þone smyltan sæ þæs windes yst...
