XXIV. Hu menn willniað þurh[1] ungelice gearnunga cuman to anre eadignesse.
XXV. Hu God welt ealra gesceafta mid þam bridlū his anwealdes ⁊ hu ælc gesceaft wrigað wið hire gecyndes, ⁊ wilnað ꝥ hit cume þider ðonan þe hit ær com.
XXVI. Hu se Wisdom sæde ꝥ men mihton he Gode swelce hi mæte; ⁊ hwæþer se wela mihte þone mon gedon swa weline ꝥ he maran ne þorfte; ⁊ hwæþer Boetie eall his woruld licode þa he gesælgost wæs.[2]
XXVII. Hu se weorðscipe mæg gedon tu[3] ðing: ðone dysegan þam oðru dysegu weorpne; ⁊ hu Nonius wæs forcweden for þam gyldenan scridwæne; ⁊ hu ælces monnes yfel bið þy openre gif he anwald hæfð.[4]
XXVIII. Be Nerone ðam casere.
XXIX. Hwæðer[5] þæs cyninges neawest ⁊ his freondscipe mæge ænigne mon weligne ⁊ waldendne gedon; ⁊ hu þa oðre friend cumað mid þa welan, ⁊ eft mid þam welan gewitað,
XXX. Hu se scop sang ꝥ ma manna fægnodon dysiges folces gedwolan þonne hie fægnedon soþra spella, ꝥ is ꝥ hi wendon his beteran þonne he wære; þonne fægniað hi þæs þe hi sceamian sceolde,
XXXI. Hu se sceal fela nearanessa geþolian þe þæs lichoman lustas forlætan nele;[6] ⁊ hu mon mæg ðy ilcan weorce cweþan ꝥ netenu send gesælige, gif man cwið ꝥ þa men sen gesælige þa heora lichoman lustum fulgað.[7]
XXXII. Hu þes anwearda wela merð þa men þe beoþ atihte to þa sodum gesælðum; ⁊ hu se wisdom is an anlipe cræft[8] ðære sawle, ⁊ is þeah betera ðonne ealle þæs lichoman cræftas; ⁊ þeah hwa gegaderie ealle þas andweardan god, þonne ne mæg he no þe raðor beon swa welig swa he wolde, ne he eft him næfð ꝥ þæt he ær wende.
XXXIII. Hu se Wisdom hæfde getæht þa Mode þa anlicnessa þara soðena sælþa; wolde hi þa selfe getæcan, ⁊ he þam fif gesælðum:[9] ꝥ is wela ⁊ anweald[10] ⁊ weorðscipe ⁊
