eahum on locodon;[1] 7 he for þæs Modes geomerunge[2] næs nauht gedrefed, ac cwæð to þā Mode: Sona swa ic þe ærest on þisse unrotnesse geseah þus murciende[3] ic ongeat ꝥ þu wære ut afaren[4] of þines fæder eðele, ꝥ is for[5] minum larum. Þær ðu him fore of[6] þa þu[7] þine fæstrædnesse[8] forlete, ⁊ wendest ꝥ seo weord[9] þas woruld wende heore agenes þonces buton Godes geþeahte ⁊ his þafunge[10] ⁊ monna gewyrhtu. Ic wiste[11] ꝥ þu ut afaren wære, ac ic nysste hu feor, ær ðu þe self hit me gerehtest mid þinū sarcwidū. Ac þeah þu nu fyr seo[12] ðōn þu wære, ne eart þu þeah ealles of þā earde adrifen, ðeah þu þæron gedwolode. Ne gebrohte þe eac nan oðer man on þā gedwolan butan þe sylfum ðurh þine agene gemeleste.[13] Ne sceolde þe eac nan man swelces to gelefan þær þu gemunan woldest hwylcra gebyrda þu wære ⁊ hwylcra burgwara for worulde; oððe eft gastlice hwilces geferscipes þu wære on þinū mode, ⁊ on ðinre[14] gesceadwisnesse; ꝥ is ꝥ þu eart an þara rihtwisena ⁊ þara ryhtwillendra; þa beoð þære heofencundan Ierusalem burgware. Of þære nafre nan, buta[15] he self wolde, ne wearð adrifen, ꝥ is of his godan willan;[16] wære þær he wære, simle he hæfde þone mid him; þōn he ðone[17] mid him hæfde, wære þar he wære, þōn wære[18] he mid his agnu cynne ⁊ mid his agnū burgwarū on his agnū earde þōn he wæs on ðara ryhtwisena gemanan. Swa hwa þōn swa þæs wyrðe bið ꝥ he on heora þeowdome[19] beon mot, þon bið he on ðam hehstan[20] freodome. Ne onscunige ic no þas neoþeran ⁊ þas unclænan stowe gif ic þe geradne gemete; ne me [na][21] ne lyst mid glase [geworht]ra waga ne[22] [hea]hsetla mid golde [⁊] mid gimmū gerenodra, ne boca mid golde awritenra me swa swiðe ne lyst swa me lyst on þe rihtes willan. Ne sece ic no her þa bec, ac ꝥ ðæt þa bec forstent, ðæt is, [þin] gewit. Swiðe ri[h]te þu seofodes[t þ]a wóon wyrd ægþer ge on ða[ra unr]ihtwisra
- ↑ eagum onlocude J.
- ↑ geomrunga J.
- ↑ murcniende J.
- ↑ utadrifen J.
- ↑ of J.
- ↑ em. hof B.
- ↑ þu from J, om. B.
- ↑ em. fætrædnesse B.
- ↑ sio wyrd J.
- ↑ geðafunga J.
- ↑ wisste, B.
- ↑ fier sie J.
- ↑ giemelieste J.
- ↑ From J, winne B, orig. ðinne B.
- ↑ buton J.
- ↑ em. willa B.
- ↑ em. ðon B.
- ↑ wæs J.
- ↑ þeawdome
- ↑ em. hehtan B.
- ↑ no J.
- ↑ ne om. B.
