anwald[a] heanesse [ge on m]inre unweo[rþ]nesse ⁊ forse[wenne]sse ge on þara manfulra forðforlætnesse on ðas weoruldspeda. Ac forþon þe þe is swa[1] micel unrotnes nu get[2] getenge ge of þinum irre ge of þinre gnornunga, ic þe ne mæg nu giet geandwyrdan ærþon ðæs tiid wyrð; forðon eall ꝥ mon untiidlice ongynð næfð hit no æltæwne ende.
§ ii.[3] Þonne ðære sunnan scima on Agustes[4] monðe hatost scinð ðonne dysegað se ðe þonne wile hwelc sæd oðfæstan þæm drygū furum. Swa deð eac se ðe wintregum wederu[m] wile blostman [se]can. Ne meaht þu win wringan on [mide[5]]winter, þeah *[ðe wel lyste wearmes mustes.
§ iii.[6] Ða clipode se Wisdo]m ⁊ cwæð: Mot ic nu cunnian [h]won[7] þinre fæstræd[nes]se, ꝥ ic þonan ongietan mæge hwonon ic þin tilian scyle ⁊ hu? Ða andwyrde ꝥ Mod ⁊ cwæð: Cunna swa þu wille. Ða cwad seo Sceadwisnes:[8] Gelefst ðu sio wyrd wealde [þi]sse worulde, [oð]ðe auht godes s[wa] geweorðan mæge [but]an þæm wyrhtan? Đa andwyrde [ꝥ Mod ⁊ cw]æð: Ne gelyfe[9] ic no ꝥ hit ge[weorþan] meahte swa endebyrdlice, [ac t]o soðum ic wat ðætte God[10] rihtere is his agenes weorces, ⁊ ic no ne wearð of þam soðan gelea(fan). Ða andwyrde se Wisdom eft ⁊ cwæð: Ymb ꝥ ilce þu giddodest nu hwene ær ⁊ cwæde ælc ꝥ wuht from Gode wisse his rihttiman ⁊ his rihtgesetnesse fuleode, butan men anum. Forðǣ ic wundrige swiðe ungemetlice hwæt þe sy oððe hwæt þu mæne nu þu ðone geleafan hæfst. Ac wit sculon þeah giet dioplicor ymb ðæt bion. Ic nat ful geare ymb hwæt þu giet tweost; gesege me, nu þu cwist ðu noht ne tweoge ꝥte God [þi]sse worulde rihtwisige,[11] hu h[e þon]ne wolde ꝥ heo wære. *[Đa andwyrde & Mod ⁊ cwæþ: Uneaþe] ic mæg forstandan[12] þine acsunga, ⁊ cwyst þe[ah] ꝥ ic þe andwyrdan scyle. Se Wisdom þa cwæð: Wenstu ꝥ ic nyte
