ðære tyndran gefenge lifes leoht þe onlyhte.[1] Ac hit nis giet se tima *ꝥ ic þe [healicor mæge onbryrdan, for]ðæm hit [i]s[2] ælces modes wise ꝥte [sona] swa hit forlæt soðcwidas, swa folga[þ] hit leasspellunga. Of ðæm, ðonne onginnað weaxan þa mistas ðe ꝥ mod gedrefað, ⁊ mid ealle fordwilmað ða soðan gesihðe swelce mistas swe[l]ce nu on þinum mode sindon. Ac [ic] hi sceal æræst geþinnian, ꝥ ic siðð[an] ðy eð mæge ꝥ s[oþe] leoht on þe gebringan.
VI.[3]
(Loca nu be þære sunnan ⁊ eac be oðrū tunglū; þōn sweartan wolcnu him beforan gað ne mahon hi þōn heora leoht sellan. Swa eac se suðerna wind hwilū mid[4] miclum storme gedrefeð þa sæ þe ær wæs smylte wedere glæshlutru on to seonne. Þōn heo þōn swa gemenged wyrð mid ðan yþum, þōn wyrð heo swiðe hraðe ungladu, þeah heo ær gladu wære on to locienne. Hwæt, eac se broc,[5] þeah he swife[6] of his rihtryne, ðōn þær micel stan wealwiende of þā heohan munte oninnan fealð ⁊ hine todælð ⁊ hī his rihtrynes wiðstent. Swa doð nu ða þeostro þinre gedrefede nesse wiðstandan minū leohtū larū. Ac gif ðu wilnige on rihtū geleafan ꝥ soðe leoht oncnawan, afyr frā þe ða yfelan sælþa ⁊ þa unnettan, ⁊ eac ða unnettan ungesæla ⁊ þone yfelan ege þisse worulde, ꝥ is þæt þu þe ne anhebbe on ofermetto on þinre gesundfulnesse ⁊ on ðinre orsorgnesse, ne eft þe ne geortrywe nanes godes on nanre wiðerweardnesse. Forðam ꝥ mod siemle bið gebunden mid gedrefednesse, þar þissa twega yfela auðer[7] ricsað.)
VII.[8]
§ i. Ða geswigode se Wisdom ane lytle hwile oð ꝥ he ongeat þæs Modes ingeþoncas. Ða he hi þ[a] ongieten hæ[fde], þa cwæð he: Gif ic þine unrotn[esse on] riht
